Энэ сарын 20-нд буюу өнгөрсөн баасан гаригт нэгэн хаан банкны үйлчлүүлэгч эмэгтэй картнаасаа мөнгө авахаар Хороололын “Корал” дэлгүүрийн Худалдаа хөгжлийн ATM-ээр картаа уншуулсан байна. Хаан банкны ATM ойролцоо байгаагүй учир ойрхон байсан Худалдаа хөгжлийн ATM-ээр шимтгэл төлөн байж 50 мянган төгрөг уншуултал мөнгө нь гарч ирээгүй байна. Дансны хуулгаа авч үзэхэд таны данснаас 50 мянган төгрөг хасагдлаа гэсэн бичиг гарч иржээ. Учрыг лавлахаар Худалдаа хөгжлийн банкны 19001977 гэсэн лавлах руу холбогдоход манайд хамааралгүй асуудал Хаан банкнаас лавлана уу хэмээсэн байна. Хаан банкнаас лавлаж асуутал баасан гариг буюу ажлын сүүлчийн өдөр байсан тул даваа гэригт буюу өнөөдөр шийдвэрлэнэ хэмээсэн байна.
Мөнгөө авч чадаагүй эмэгтэй тухайн өдөр хүүхдээ эмнэлэгт хэвтүүлчээд эм тариаг нь авах санаатай явж байтал ийм асуудалтай тулгарчээ. Бэлэн мөнгөний машин /ATM/ гэдэг бол яарч сандарсан үед хамгийн чухал эд байдаг ч энэ мэтээр бол тийм ч итгэл даах зүйл биш бололтой.
Мөнгө авахаар картаа уншуулахад мөнгө нь гарч ирэхгүй дансны хуулгандаа мөнгө хасагдсан гэж гарч ирэх нь луйварын шинжтэй ч юм шиг. Эсвэл хариуцлагагүй, итгэл даах зүйл яавч биш. Хаанбанк, Худалдаа хөгжлийн банкуудад хариуцлаггүй ямар нэг асуудал байгаа нь харагдаж байна. Банк гэдэг бол санхүүгийн өндөр хариуцлага, харилцагчийн итгэл дээр тогтдог эмзэг бизнес гэдгийг энэ хоёр банк мэддэггүй бололтой.
