“Автотээврийн үндэсний төв” ТӨҮГ нь Зам, тээврийн хөгжлийн яам, Мэргэжлийн хяналтын газар, Тээврийн цагдаагийн алба, Автотээвэрчдийн нэгдсэн холбоо, “Зорчигч тээврийн нэгтгэл” ОНӨААТҮГ болон Шинжлэх ухаан, техникийн их сургуультай хамтран “Авто аж ахуйн тээвэрлэлт зохион байгуулалт, тээвэрлэлтийн аюулгүй байдал, зохицуулалт, хяналт” сэдэвт сургалтыг 2020.10.29-ний өдөр улс, хот хооронд, нийслэлийн ачаа, зорчигч тээвэрлэгч аж ахуйн нэгж байгууллагуудын холбогдох ажилтнуудад амжилттай зохион байгууллаа.
Сургалтад улс, хот хооронд, нийслэлийн ачаа, зорчигч тээвэрлэгч 257 аж ахуйн нэгж байгууллагуудын 266 хүн хамрагдсан бөгөөд тээвэрлэлт гүйцэтгэх зохион байгуулалт, тээврийн менежмент, тээвэрлэлт гүйцэтгэх зохион байгуулалт, тээврийн менежмент, тээвэрлэлтийн аюулгүй байдлыг хангаж ажиллах, тээвэрлэлтийн үйлчилгээний чанарыг сайжруулах арга хэрэгслүүдийг хэрэгжүүлэх, дотоод хяналт, хөдөлмөрийн аюулгүй байдал, гурван шатны үзлэг хийх чиглэлээр зохих мэдлэгийг олгосон.
