Төрийн байгууллагад хийгдэх цомхотголын ажил үндсэндээ эхэлчихээд байна. Яамдаас гэвэл эхний ээлжинд татан буугдсан Соёл, спорт, аялал жуулчлалын яамныхны зарим нь ажлын байрнаасаа нүдэндээ нулимстай гарч яваа харагдана. Тус яамны газар, хэлтсүүдэд ажиллаж байсан нэлээд хэдэн мэргэжилтний халагдах тушаал гарчээ. Хөхөө өвлийн хүйтэн жавартай зэрэгцэн, төрийн албаны хаана л бол хаана тэднийг орон тооны өөрчлөлт угтаж буй тул цусны даралт ихсэх өвчин хуучтай нэг нь цус харвалтаар мажийх нь холгүй болж байх шиг байна. Энэ тухай нэрээ нууцлахыг хүссэн нэгэн ажилтан “Миний халдагдах тушаал гарсан. Одоо хаашаа очихоо мэдэхгүй л байна. Хувийн хэвшлийнхэн санхүүгийн хувьд бас хүнд байгаа байх. Манайхны хувьд ингээд цацсан будаа шиг боллоо. Төрд ажиллах гэхээр ажил олдохгүй бололтой” гэлээ. Ганц энд ч биш, бусад яам, агентлагууд дээр мөн иймэрхүү хүлээлт үүсчээ. Цомхотголын сургаар ажлаа чин шударгаар хийх сэтгэл нь ч алдарч буй бололтой.
Б.Баяр
Эх сурвалж: Tumen.mn
