Өнгөрсөн долоо хоногт улс  төрчдийн талаар хамгийн шуугиан тарьсан сэдэв нь Х.Тэмүүжингийн твиттер хуудсанд тавигдсан “Алтан дорнод Монгол” компанитай холбоотой гэх 4 сая долларын гүйлгээний баримт байлаа. Энэ тухай тус компанид гүйцэтгэх захирлаар ажиллаж байсан, одоо Эрдэнэт үйлдвэрт хэлтсийн даргын алба хашиж буй Ч.Бямбаа нар мэдээлэл хийж, “Энэ бол авлигын баримт биш”  гэсэн юм. Тэгвэл “Алтан дорнод Монгол” компанийг Оросын иргэн Паушок гэгч  үүсгэн байгуулж, Монголоос их хэмжээний алт олборлоод хэл ам, хэрүүл шуугиан дэгдээж, эцэст нь эрүүгийн хэргээ хэрэгсэхгүй болгуулан Орос руугаа гарч явсан  билээ. Дараа нь тус компанийг Дарханы Төмөрлөгийн үйлдвэрийн захирал асан Т.Ганболд гэдэг нөхөр  худалдан авсан байв. Паушокын хэргийг хэрэгсэхгүй болгосныг зарим нь Ерөнхий прокурор Д.Дорлигжавтай холбож ярьдаг. Тиймээс сая УИХ-ын чуулганы хуралдаан  дээр Ө.Энхтүвшин гишүүн энэ талаар асуухад тэр “Х.Тэмүүжин өөрийн хүрээний хэвлэлүүдтэй нийлж намайг гүтгэсэн. Хууль зүйн сайд байсан хүн үүнийгээ лавлачихгүй дээ. Хэтэрхий хөнгөн хуумгай хандлаа. Би үүнийг шалгуулна” гэжээ.

Б.Баяр

Эх сурвалж: Tumen.mn