нийтлэсэн Admin

Манай улс эдийн засгийн хямралд орж олон айл өрх, настан буурлууд, бяцхан хүүхдүүд өлсөж зовж байгаа нь нууц биш. Гэвч төр засгаас ард иргэдийнхээ төлөө олигтой хийсэн зүйлгүй хэрнээ ард иргэдээ мөлжиж, хоослохоос цаашгүй байгаа нь эмгэнэлэтэй. Яг үнэндээ Монголчууд бидний амьдрал баян, ядуу хоёр хуваагдсан байгаа нь үнэн. Энгийн амьдралаас хол тасарсан өлсөж, гундаж, ядарч үзээгүй төрийн эрхэмүүд тэдний гэр бүлийн тансаг хэрэглээ, хогийн цэгээс амьдралаа залгуулж өнөө маргаашаа аргацааж амьдарч байгаа энэ хоёрын амьдралын ялгаа дэндүү хол…

Энэ бүх хэцүү цаг үеийг төр засаг зүгээр л харж суусаар өдийг хүрлээ. Тэдний хийж чадаагүй, хийхийг хүсэхгүй байгаа ажлыг МУГЖ С.Жавхлан хийж байгаа нь олон түмний хайр хүндэтгэлийг хүлээж байна. эдийн засгийн хямрал нүүрлэсэн энэ хэцүү цаг үед “Шинэ жилээс татгалзаж” нэгэндээ дэм болохыг уриалж тоглолт хийсэн. Түүний ард түмэндээ зориулсан “Монгол өлсөх учиргүй″ нэртэй халуун сэтгэлийн хандивийн тоглолт олон түмнийг бахархуулж, омогшуулсан билээ. Энэхүү тоглолтынхоо бүх орлогыг Увс аймгийн ядуу амьдарч байгаа ард иргэддээ зориулж өлмөн зэлмүүн байгаа өрхүүдэд мах гурил хүнсний хэрэгцээг нь хангаж өгсөн.

Мөн хувьсгалт тэмцлийн тоглолтынхоо орлогоос 12 сарын 29-ний өдөр буюу Монголчууд Үндэсний эрх чөлөөгөө сэргээн мандуулсаны 103 жилийн тэмдэглэлт өдрөөр Цагаан давааны хогын цэг дээр ажиллаж байгаа 200-300 иргэд хүүхдүүдэд Монгол үхрийн сүү бэлэглэж тэдний ахуй амьдралтай танилцсан юм.  МУГЖ С.Жавхланг Цагаан давааны хогийн цэгийн иргэд их таатай хүлээж авсан бөгөөд түүний ард иргэдээ гэсэн халуун сэтгэлийг дэмжиж байгаагаа илэрхийлж байлаа. Эдгээр иргэдээр улстөрийн шоу хийдэг “гүзээ нь сунаж, хахаж цадахаа” мэдэхгүй төрийнхөнөөс илүү бодитой үйл хэрэг хийж байгаад нь дахин дахин талархаж байв. Үүгээр ч зогсохгүй МУГЖ С.Жавхлангий гэргий дуучин Г.Эрдэнэчимэг Архангай аймгийн хагас, бүтэн өнчин, нэн ядуу, хөгжлийн бэрхшээлтэй 200 хүүхдүүдэд зориулж “Хангайн багачууд” сүлд модны баярыг зохион байгуулж Монголдоо үйлдвэрлэсэн бүтээгхүүнээс бүрдсэн бэлэг бэлэглэсэн юм.

Манай улсад хэрэгтэй хэрэггүй тэмдэглэлт баярууд их зохиогдох болсон. Үүнийг ч төрийн болон төрийн бус байгууллагууд тэмдэглэж мөнгө төсөвөө найр цэнгээнд гамгүй үрдэг нь үнэн. Тэгвэл төрд байгаа “хулгайч хуйвалдагчид” албан газар аж ахуйн нэгжүүдийг энэ захгүй найрынхаа идэж уудаг зардлаараа хоолгүй өлсөж байгаа настан хүүхдүүдэд тараахыг шаардаж уриалсаар олон түмнийг багагүй баярлуулсан юм.

“Монгол өлсөх учиргүй″ нэвтрүүлгийг үзээд та бүхэн нэгийг бодож хоёрыг тунгаагаарай.

Эх сурвалж: Шуурхай.мн