ЗГХЭГ-ын дарга Д.Амарбаясгалан гишүүдийн тоог нэмэгдүүлэх эсэх талаар өнөөдөр байр сууриа илэрхийлсэн байна.

Тэрбээр "ҮХНӨ-өөр гишүүдийх тоог 152 болгох санал дээрээ Засгийн газар хатуу зогсоно. Саяхнаас эхлээд Сонгуулийн тухай хуулийн нэмэлт өөрчлөлт, Улстөрийн намуудын тухай хуулийг өргөн барьсан байгаа. Иргэд олон нийтээс санал авах зорилготой. ҮХЦ, Дээд шүүх, ХЭҮК-иос санал авна.

Гишүүдийн тоог нэмж байгаа хэд хэдэн шалтгаан бий. Олон улсын жишиг бий. Парламент өөрөө жижиг давжаа байх ёсгүй. Хэт тоо цөөнөөс болж нөлөөлөлд автах, эрх мэдлээ бусармаг зүйлд ашиглах нэг талтай. Манай улсын хувьд 76 парламентын гишүүнтэй, 16 сайд байна. Цаашдаа парламент хэврэг байдалтай байж болохгүй. Гишүүдийн тоог нэмэхээр хэд хэдэн хөндөгдөх асуудал бий, жишээлбэл байшин сав, зардал мөнгө гарна гэдэг. Тэгвэл өнөөдөр 76 гишүүнд 10 тэрбумын урсгал зардал гардаг. 152 болоход энэ тоон дотроо ч захиран зарцуулах боломж бий. Шаардлагатай гэвэл 20 тэрбумын төсөв санхүү байгаа. Төрийн өмчийн компаниудын бодлого засаглалыг сайжруулах ажлыг хийж байгаа. Тэгвэл тодорхой компаниудыг татан буулгаж, нэгтгэснээр 30 тэрбум төгрөгийг хэмнэх боломж байж байгаа. Бид хаанаа хэмнэх ёстой сайн бодох ёстой. Үрэлгэн зардал гаргадаг хэсэг дээр хэмнэлтийг хийж чадна.

152 болсноор нэг гишүүнд оногдож байгаа кнопны эрх мэдэл нь даруй 30-50 хувь буурах тооцоолол нь гарсан. Хоёр хоёроороо нэг өрөөнд суух ч боломжтой" гэв.