Гучаадхан насандаа хоёр нүд хараагүй болсон н.Сарантуяа бүсгүйд туслах аяныг  фэйсбүүкчид зохион байгуулж  эхэлжээ.  Дөрвөн настай хүүгээс нь өөр  н.Сарантуяад  нь тус дэм болох хүн бараг байхгүй юм байна.  Ах дүүс, хамаатан садан ховортой ажээ. 

н.Сарантуяа  уг нь багш мэргэжилтэй юм байна. Хараагүй болохоосоо өмнө  нарийн боов хийдэг жижиг үйлдвэр ажиллаж байжээ. Тэрбээр хоёр жил гаруйн өмнө ажлаас оройтож тараад автобусанд суугаад явж байтал жолооч нь  “Нисэхийн чиглэлд  явахгүй” гээд түлхэж буулгахад замын хажуу руу шургаж унаснаас болоод хараагүй болсон гэж ярьж байна. 

н.Сарнай нарын  зэрэг фэйсбүүкийн найз нөхөд нь түүнд туслах санаачлага гаргажээ. Хараагүй иргэдийн нийгэмлэгийнхэн ч анхаарал хандуулж байгаа гэнэ. Нисэхэд гэр хороололд амьдардаг хараагүй хүний зовлонг тоочоод баршгүй. Ялангуяа дөрөвхөн настай хүүгээс нь өөр хань бараа болох хүнгүй тул бүр ч хүнд байдаг аж. Цахим сүлжээгээр  буянт хүмүүст хандан түүнд туслалцаа үзүүлэх,  нийтийн орон сууцаар хангах боломж бүрдүүлэхийг уриалж байгаа ажээ.

Б.Баяр

Эх сурвалж: Tumen.mn