Хятад улс авлигын хэрэгтэй тууштай тэмцэж байгааг дэлхий нийтээрээ талархан харж байгаа ч хүний эрхийн байгууллагууд хүний эрх, эрх чөлөөнд халдах вий гэсэн эмзэглэлтэй байдаг билээ.
Хамгийн сүүл авлигын хэргээр тэрбумтнаа цаазаар авсан нь дэлхий даяар шуугиулсан билээ. Тэгвэл эрх мэдлээ урвуулан ашиглаж, авлига авсан хэргээр 14 генералыг баривчилж эрүүгийн хэрэг үүсгэн мөрдөн байцааж эхэлжээ. Өчигдөр авлигын хэрэгтнүүд болох генералуудын нэрсийг Синьхуа агентлагаар цацсан байна.
Генералуудын ихэнх нь цэргийн тойргийн командлагч нар бөгөөд тэдний дунд ХКН-ын улстөрийн товчооны гишүүд хүртэл байгаа юм. Тэдний ихэнх нь хөрөнгөө хураалгах, олон жилийн ял сонсох магадлалтай бөгөөд зарим нь бүх насаараа хоригдох ял сонсох гэнэ.
Н.Төгс
Эх сурвалж: Bataar.mn
