Төрийн албан хаагчид улс төрийн үйл ажиллагаанд оролцохгүй байх ёстой.  Төрийн албаны тухай хуулиар ингэж зохицуулсан бөгөөд төрийн албан хаагчид нь улс төрийн аль намын харъяаллаас түдгэлзсэн хүмүүс юм. Гэвч хуулийн ийм заалтууд  амьдрал дээр хэрэгжихгүй байгаа аж. Саяхан болж өнгөрсөн АН-ын ҮЗХ-ны хуралд Засгийн газрын Хэрэг эрхлэх газрын дэргэдэх Боомтын нэгдсэн захиргааны даргаар ажиллаж буй, УИХ-ын гишүүн асан Л.Гүндалай, Шижлэх ухаан технологийн их сургуулийн проректор Д.Батчулуун, Боловсрол шинжлэх ухааны яамны харъяа Сургалтын төрийн сангийн захирал Б.Мөнхцэцэг нар биечлэн оролцжээ. Намынхаа удирдах байгууллагын хуралд тэд ийнхүү суусан нь улс төрийн үйл ажиллагаанд шууд оролцсон хэрэг юм. Иймээс Төрийн албаны тухай хуулийн 10 дугаар зүйлийн 10.6-д заасныг зөрчжээ. Хууль зөрчсөн этгээдэд хүлээлгэх хариуцлагын асуудал заавал яригдах учиртай байлаа. Гэтэл  Төрийн албаны зөвлөлөөс энэ оны 11 дүгээр сарын 14-ний өдөр “Улс төрийн үйл ажиллагаанд оролцуулахгүй байх тухай” албан бичгийг  АН-ын Ерөнхий нарийн бичгийн дарга Ц.Оюундарьд илгээсэн болоод л өнгөрч буй ажээ.

Б.Баяр

Tumen.mn