Үргэлж л хэл амны бай болж, элдвээр хэлүүлж явсан их аварга Дагвадорж зодог тайлах шийдвэр гаргаснаас хойш түүний чих нэг хэсэгтээ л амарч байна. Харин япончууд өнөөдөр ч ёкозүна Асашёорюүгаа мартаж чадахгүй байгаа бололтой. Өнөөдрийг хүртэл Японы сэтгүүлчид их аваргыг ангуучилж, эхнэр хүүхдээсээ салсан, салаагүй хэмээн маргаан дэгдээж, түүнийг энд тэнд явахад нь ганц ч хамаагүй зураг дарчих санаатай бүхэл бүтэн баг араас нь хөөцөлдөж байна. Энэ зун аварга нутагтаа амарсан бөгөөд түүний хойноос хөөцөлдөж, элдэв мэдээлэл цуглуулж байх үүрэгтэй хорь гаруй хэвлэл мэдээллийн байгууллагын 40 гаруй сэтгүүлч бүр Улаанбаатарын уугуул иргэн болж хувирах дээрээ тулаад байгаа гэнэ. Д.Дагвадоржийг Өвөрхангайд амрах сургаар тэд аль хэдийнээ амралтынх нь бааз дээр оччихсон, баахан гэр орон хөлсөлж аваад, аппарат техник хэрэгслээ хүртэл зоочихсон байсан удаатай.
Үүнээс гадна их аваргын чармай шалдан зураг бас л багагүй дууоиан тарьжээ. Зодог тайлсаныхаа дараахан аварга Америкт Хавайн аралд амрахаар явсан. Тухайн үед Японы нэгэн гэрэл зурагчин аваргыг усанд ороод гарч ирэх үеэр чармай шалдан зургийг нь авчихаж. Энэ зургийг Японы сэтгүүлүүд үнэ хаялцаж, 300 сая иенийн үнэ хүрсэн тухай зарим зарим эх сурвалжууд мэдээлж байна. Их аваргын нүцгэн зурагтай зурагт хуудаснууд, бас түүний тухай бичсэн жижиг номууд өнөөдөр Японд ид үнэ хүрч байгаа сурагтай.
Эх сурвалж: Shudarga.mn
