"Эмч, эмнэлгийн мэргэжилтний хөдөлмөрийн нөхцөл, мэргэжлээс шалтгаалах өвчин, үйлдвэрлэлийн ослоос урьдчилан сэргийлэх чадавхжуулах" сургалтыг Хөдөлмөрийн аюулгүй байдал, эрүүл мэндийн төв, Улсын нэгдүгээр төв эмнэлэг хамтран зохион байгуулав.

Сургалтад эрүүл мэндийн салбарт ажиллаж буй эмнэлгийн мэргэжилтнүүд, ХАБЭА-н асуудал хариуцсан мэргэжилтнүүд танхим болон цахим хэлбэрээр оролцлоо.

Сургалтаар

Б.Баасанжаргал /АУ доктор, дэд профессор/ "Эмнэлгийн мэргэжилтний амьдралын урт наслалтад нөлөөлөх зарим зүйлс,

Ж.Гантулга /СЭМҮТ-ийн сэтгэл засалч эмч/

"Эмч, эмнэлгийн мэргэжилтний сэтгэцийн тулгамдсан асуудал, стресс менежмент",

ХАБЭМТөвийн эмнэлэг хариуцсан дэд дарга А.Сувдаа

"Эмнэлгийн мэргэжилтний ХАБЭА-н тулгамдсан асуудлууд"

Д.Мөнхцэцэг /АУ магистр Альтернатив эмнэлгийн толгой хүзүүний мэс заслын их эмч/

"Радио цацраг идэвхт туяанаас үүдэлтэй бамбайн хорт хавдраас сэргийлэхэд эмнэлгийн мэргэжилтэн таны оролцоо"

Э.Баярмаа /АУ доктор профессор/ "Эмнэлгийн орчин дахь эмгэг төрөгчөөс шалтгаалах эмнэлгийн мэргэжилтэнд нөлөөлөх хүчин зүйл"

Г.Нямпүрэв /Ололт амжилт сургалтын төвийн багш/ "Ажил олгогчийн эрх үүрэг оролцоо ХАБЭА-н тухай хууль, бусад дүрэм журам"

Б.Энхжаргал /АУ доктор профессор/ Эмнэлгийн тоног төхөөрөмжийн аюулгүй ажиллагаа"

Ц.Сансарцэцэг /АУ докторант ХАБЭА-н сургагч багш, ХАБЭМТөвийн МӨСГ-ийн эмчилгээ чанарын менежер/

Эмч мэргэжилтнүүдийн мэргэжлээс шалтгаалах эмгэгүүд, урьдчилан сэргийлэлт зэрэг сэдвээр илтгэл хэлэлцүүллээ.

Эрүүл мэндийн ажилтнуудын ажиллах орчин, эрүүл мэндийн судалгаагаар мэс заслын эмч нарын дунд ажлын цагийн ачаалал, зогсоо байрлалаас шалтгаалсан мэдрэлийн булчингийн буюу хүзүү 65 хувь, мөр 52 хувь, нуруу 59 хувь, доод мөчдийн 38 хувь эмгэгүүд тохиолддог байна. Мөн ажлын байрнаас шалтгаалсан хүчирхийлэл, аюул заналхийлэлд өртсөний улмаас хөдөлмөрийн чадвараа түр алдсан хүмүүсийн 32 хувь нь эрүүл мэндийн салбарынхан байгааг энэ үеэр онцолсон.

Түүнчлэн эрүүл мэндийн салбарын үйлдвэрлэлийн осол, хурц хордлогын ослын хүчин зүйлүүдэд 62.4 хувь нь ажлын байрандаа унах бүдрэх, хальтирснаас үүсч байгаа нь эмнэлгийн ажилтнуудад эрүүл, аюулгүй ажиллах орчин нөхцөл хангагдаагүй байгааг мөн тодотгож байв.

Ажлын байранд химийн болон цацрагийн өртөлтөөс шалтгаалсан мэргэжлийн өвчнөөр эмч, сувилагч, текникч нар зонхилон хөдөлмөрийн чадвар алдалт тогтоолгосон байна.