Ерөнхий сайд Ч.Сайханбилэг өчигдөр Засгийн газрын бүтцийн төслөө УИХ-ын дарга З.Энхболдод өргөн барьсан юм. Түүний удирдах Засгийн газар нь 15 яам, 19 сайдтай байхаар төлөвлөгджээ. Засгийн газрын бүрэлдэхүүнд Шадар сайд, Монгол улсын сайд орж байна. УИХ-ын чуулганы нэгдсэн хуралдаанаар бүтцийг хэлэлцэн баталгажуулснаар Ч.Сайханбилэгийн Засгийн газар шинэ бүтцээр ажиллаж эхэлнэ. Хуучин байсан агентлагуудаас Тахарын алба, Цөмийн энергийн газар зэргийг татан буулгахаар төлөвлөсөн байна. Тахарын алба нь шүүхийн шинэчлэлийн хүрээнд байгуулагдаад удаагүй байсан юм. Тус алба байгуулагдсанаас хойш төсөв зардал нь ч хүрэлцэхгүй байжээ. Харин Цөмийн энергийн газар нь олон жилийн түүхтэй бөгөөд энүүнийг Ашигт малтмалын газарт харъяалуулахаар яригдаж байна.
Б.Баяр
tumen.mn
