Хадгаламж зээлийн хоршоодын хохирогчид өнөөдрөөс Хууль зүйн яамны үүдэнд хугацаагүй суулт хийж эхэлжээ. Учир нь өнгөрсөн онд тэдний хохирлыг барагдуулах тухай хууль батлагдсан боловч мөнгө нь олгогдохгүй удааширсан байна. Дампуурал зарласан 20 гаруй хоршооны хадгаламж эзэмшиж байсан хохирогчдоос өнөөдөр 6 мянга гаруй иргэний хохирлын тэн хагас нь хохирлоо нөхөж аваагүй байгаа аж. Тиймээс хохирлыг бүрэн барагдуулахыг шаарджээ. Хууль зүйн яам энэ асуудлыг шийдвэрлэхийн тулд ажлын хэсэг томилон ажиллуулах болсон ч ажил нь урагштай явсангүй гэж хохирогчид үзсэн байна. Мөн УИХ-аас З.Баянсэлэнгэ гишүүнээр ахлуулсан ажлын хэсэг томилогдсон боловч мөн л таг чиг болжээ. Тиймээс суулт зарласан иргэд маргааш Баянсэлэнгэ гишүүдтэй биечлэн уулзахаар болсон байна.
Б.Баяр
Эх сурвалж: Tumen.mn
