Дэлхийн хоёр дахь том эдийн засагтай БНХАУ-д нүүрсний хомсдол үүсээд байгаагаас олон улсад үнэ нь өсөж магадгүй болоод байна.
Ази болон Европт нүүрсний үнэ бүх цаг үеийн дээд түвшиндээ дөхөөд байгаа аж. Тухайлбал: Европт нүүрсний үнэ сүүлийн 13 жилийн дээд цэгт хүрчээ. Харин Австралид нүүрсний үнэ өнгөрсөн оны есдүгээр сараас хойш 250 хувиар өссөн үзүүлэлттэй байна.
Нүүрсний хэрэглээгээр тэргүүлэгч БНХАУ нөөцийг хэвийн хэмжээнд хүргэх нь томоохон сорилт болж байна. Мөн улс орнууд нүүрсний тогтвортой нийлүүлэлтийн төлөө өрсөлдөж байгаа юм.
БНХАУ-д нүүрсний эрэлт өсөж, агуулахууд дахь нөөц түүхэн доод түвшинд хүрч буураад байгаа аж. Мөн хүйтний улирал ойртож байгаатай зэрэгцээд байгалийн хийн үнэ дээд түвшинд хүрч өсөөд байгаа юм.
