“Иргэний хөдөлгөөний” гэх тодотголой О.Магнай сонгуулийн бэлтгэл ажилдаа оров бололтой. Тэрбээр 2008 онд өрсөлдөж, өвдөг шороодсон Сонгинохайрхан дүүргээ дахин эргэж, “Дэм дэмэндээ” гэх аяныг өрнүүлэн тус дүүргийн 23 хорооны 10 гаруй мянган иргэнтэй “тулахаар” зэхэж байна.
Тэрбээр аяныхаа хүрээнд иргэдэд Мяьнмар Улсад үйлдвэрлэсэн хувцас тарааж, “тордоод” эхэллээ. Улс төрч гэж хэлэгдээд багагүй хугацаа өнгөрсөн ч мань эр хийхийг нь бус хэлэхийг нь сурчихсан бололтой. Хувцас тарааж, “тусалсан” талаараа өөрийн сошиал хуудсуудаараа зураг хөрөгтэй нь нийтлээд, “тодорч” байна.
Харин үүнийг нь харсан иргэд “Чин сэтгэлээсээ тусалж байгаа юм бол чимээгүй байж сур. Хийсэн ажлын чинь талаар өөрөө бус өөр хүн ярьж эхэлсэн цагт хийсэн ажил тань биелэлээ олно” хэмээн “сургаж” байна.
