Жил бүр зохиогддог амьд хөгжмийн “Playtime 2015″ наадам ирэх зургаадугаар сарын 27-28-нд Монгол Шилтгээнд болно.
Энэхүү наадам нь Улаанбаатар хотын орчин үеийн хөгжмийн соёлыг хөгжүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбээр өнгөрүүлэх, дэлхийн болон Монголын шинэ, шилдэг амьд хөгжмийн хамтлаг дуучдыг танилцуулах замаар тэдний хөгжмийн боловсролыг дээшлүүлэх зорилготой зохион байгуулагддаг билээ.
Энэ жилийн наадамд Монголын болон олон улсын нийт 33 хамтлаг, дуучид, DJ нар оролцохоор болжээ. Тэд өөрсдийн 2014-2015 онд бүтээсэн шинэ уран бүтээлийг наадмын “Соёл-Эрдэнэ”, “Шинэ давалгаа” зэргийг тайзнаа танилцуулах юм.
Монголын шинэ 16 хамтлагийг наадмын “Шинэ давалгаа” тайзнаа сонгон оролцуулах бөгөөд сонгон шалгуулалт энэ сарын 18-нд болно.
Оролцох хүсэлтэй хамтлаг, дуучид www.playtime.mn цахим хуудсанд энэ сарын 15-ныг хүртэл бүртгүүлэх боломжтой.
Эх сурвалж: Шуурхай.мн
