БНХАУ-ын Эрээнд монгол эмэгтэй бусдын гарт амиа алдсан хэрэг гарлаа. Тодруулбал, энэ сарын 16-ны өдөр буюу өнгөрсөн даваа гаригт эмэгтэйн цогцос олдсон байна. Энэ талаар ГХЯ-ны консулын газраас тодруулахад “Манайд ийм мэдээлэл ирсэн нь үнэн. Бид “Эрээн хотын нэгэн дүүрэгт Монгол Улсын иргэн амиа алдсан байж болзошгүй байна” гэх мэдээллийг аваад байна. Гэхдээ хэн болох, ямар учраас амь насаа алдсан эсэх нь тодорхойгүй байна. Одоогоор хэргийг шалгаж байгаа болохоор дэлгэрэнгүй мэдээлэл өгөх боломжгүй” гэсэн хариулт өглөө. Хэргийн талаар эргэн мэдээлэх болно.
Zaluu.com Б.Анир
