Улс орон даяар хэмнэлтийн бодлого явуулж байгааг төмөр зам “амжилттай” хэрэгжүүлж хэмнэж танах бүхнээ хасаж байна. Гэхдээ удирдахын дарга нараас бус харин хүйтэнд хөхөрч халуунд халж байдаг хэдэн муу ажилчдынхаа халааснаас хэмнэлт хийсэн гэнэ. Харин эрхэм дарга нар нь  200 саяын 570 унаа, 1.5 тэрбумын орон сууц гээд тэнгэрт гарчихжээ. УБТЗ-ын дарга Л.Пүрэвбаатар энэ сарын 26-ны өдрийн 168.б тоот цахилгаанаараа замын нийт ажилтнуудын 2015 оны 2.3-р сарын ажлын үр дүнгээр олгох шагналыг өгөхгүй байх шийдвэр гаргасан. Харин ТӨХ-нд ирүүлсэн мөн сарын 25-ны “Зээл авах дэмжлэг хүсэх” тухай албан тоотоороо 200 саяын үнэтэй “лексус 570”, нийгэмлэгийн даргадаа 1.5 тэрбумаар орон сууц худалдан авсанаа мэдэгдэж. Нийгэмлэгийн дарга гэдэг нь Л.Пүрэвбаатар юм. Шинэ удирдлага ийнхүү төмөр замаа “хувалз” мэт сороод эхэлжээ. Удирдах газраас нь ийм өндөр өртөгтэй худалдан авалт хийж болохгүй, төмөр замын хөрөнгө оруулалтанд тусгагдаагүй, ТӨХ-ноос зөвшөөрөл аваагүй гээд эсэргүүцэх нэг ч дарга гарсангүй. Энэ нь зусардан долигоногчид Л.Пүрэвбаатарыг тойрон хүрээлсэнийг харуулж байна. Дарга ч өөрөө том япон засварын газартай гээд юм горьдохооргүй хөрөнгөлөг хүн гэдэг. Гэсэн ч тэвчиж чадсангүй бололтой. Ийнхүү 15 мянган ажилчдын үр дүнгийн шагнал шинэ 200 саяын лексус, 1.5 тэрбумын орон сууц болон хувирчээ.

NUUTS.mn