УИХ-ын гишүүн, Зам, тээврийн хөгжлийн сайд С.Бямбацогт өнөөдөр /2023.06.21/ ОХУ-ын Тээврийн сайд В.Г.Савельевтай уулзан Улаанбаатар төмөр зам ХНН-ийг үүсгэн байгуулах тухай 1949 оны Засгийн газар хоорондын хэлэлцээрийн нэмэлт протоколд гарын үсэг зурсан байна.

УИХ-ын дарга Г.Занданшатарын ОХУ-д хийж буй албан ёсны айлчлалын хүрээнд хийгдэж буй энэхүү хэлэлцээрийн нэмэлт протокол албажсанаар УБТЗ ХНН-ийн өрийн хэмжээ 131 тэрбум төгрөгөөр буурах аж. Мөн хөдлөх бүрэлдэхүүнд парк шинэчлэл хийж ОХУ-ын хөрөнгөөр нийлүүлэх таван зүтгүүрийг энэ ондоо багтааж авснаар тээвэрлэлтийн хэмжээ нэмэгдэн 36 сая тн ачааг тээх хүчин чадалтай болно. аардлагатай төсөл хөтөлбөрүүдийг хэрэгжүүлэх боломж нээгдэнэ хэмээн үзэж байна. Хэлэлцээрт нэмэлт өөрчлөлт оруулахаар талууд 2009 оноос хойш олон удаагийн уулзалт хийж байсан нь өнөөдөр албажиж бодит үр дүнгээ өгч байна.

Уулзалтын үеэр Зам, тээврийн хөгжлийн сайд С.Бямбацогт манай улсын зам, тээврийн салбарын хөгжилд онцгой ач холбогдолтой Монгол, Оросын хувь нийлүүлсэн Улаанбаатар төмөр зам нийгэмлэгийг хөгжүүлэхэд анхаарч, бүх талын дэмжлэг үзүүлж хамтран ажиллаж байгаа ОХУ-ын Тээврийн сайд В.Г.Савельевт талархлаа илэрхийлжээ.