Коронавирусны халдвар дотооддоо алдсанаас хойш халдврыг хумих, эдийн засгийг сэргээх, бизнес эрхлэгчдийг дэмжих, эдийн урсгалыг сэргээх зэрэг асуудал хотын бүх шатны удирдлагын анхаарлын төвд орсон байх ёстой. Үүнд НИТХ тэргүүлэн ажиллах учиртай байгууллагын нэг . Даан ч хэлэлцэж буй асуудал, мөнгө зарцуулж буй зүйлсийг нь харахад дарга Ж.Батбаясгаланд урам хугарч байна. Хотод тавигдсан хоёрдахь хөл хорионы дараахан НИТХ шатар сонирхогчдын нийслэийн 2021 оны цахим тэмцээний зардлыг гаргаад сууж байжээ. Тухайн үед, одоо ч олон мянган хүүхэд хүүхэд интернет сүлжээнд хамрагдах боломжгүйн улмаас хичээлийн хоцрогдолд ороод байна. Тэгвэл ирэх сард хуралдах НИТХ-ын тэргүүлэгчдийн хуралдаанаар хэлэлцэгдэх гурван асуудлын хоёр нь хөшөө босгох, шагналд тодорхойлох зэрэг хямралын үед тэргүүн ээлжинд тавигдмааргүй зүйл аж. Энэхүү хуралд нийслэлийн амин чухал, олон арван тулгамдсан асуудлаас нэг нь ч хэлэлцэгдэхгүй юм байна. Гурван ч удаа тавигдсан хатуу хөл хорионы хамаг ачааллыг Улаанбаатар үүрч байна хэмээн хотын дарга Д.Сумьяабазар нь бухимддаг. Ачаалал хүндрэл асуудалтай нүүр тулдаг түүнд мэдрэгдэж буй аж. Харин НИТХ-ын дарга Ж.Батбаясгаланд юу ч мэдрэгдэхгүй байгаа юм байна.
