Хорих 409 дүгээр ангийн албан хаагчийн биед ялтан халдаж, гэмтээсэн тохиолдол  өнгөрсөн 3 дугаар сард гарч байсан билээ. Тэгвэл дээрх хэрэг дахин давтагдаж, тус хорих ангид ял эдэлж байгаа ялтан Б нь ангийн тоо бүртгэлийн ажилтан  А руу дайрч давшилан пизда, гичий гэх мэт хараалын үг урсган доромжилоод зогсохгүй түүний энэ мэт балмад үйлдлийг болиулахаар очсон дэслэгч Б-ын нүүрэн тус газар нь гэнэдүүлэн цохиж, үүргээ гүйцэтгэж байсан төрийн албан хаагчийн биед халдсан хэрэг 04 дүгээр сарын 27-ны өдөр гарчээ. Ялтан Б нь эрүүгийн хуулийн 147 дугаар зүйлийн 147.3-т зааснаар 7 жилийн ял сонссон аж. Тэрээр онцгой, чанга дэглэмтэй хорих ангиудад ял эдэлж байсан бөгөөд эдгээр ангиудад хоригдож байхдаа нэлээдгүй зөрчил дутагдал гаргаж байсан гэнэ. Энэ мэтчилэн Шүүхийн шийдвэр гүйцэтгэх байгууллагын ажилтнууд албан үүргээ гүйцэтгэж байхдаа гэмтэх, амь насаа алдах явдал цөөнгүй тохиолддог байна. 2014 онд хорих ангийн албан хаагчдын тавьсан хууль ёсны шаардлага биелүүлээгүй, эсэргүүцсэн, заналхийлсэн, хэл амаар доромжилсон болон албан хаагчийн биед халдсан 175, 2015 онд 45 тохиолдол тус тус бүртгэгдсэн байна.  

Эх сурвалж: Zaluu.com