-УИХ-ын гишүүн Л.Эрдэнэчимэгийг ууж байхад нь Г.Уянга бичлэг хийж, Г.Уянга гишүүнийг унтаж байхад нь Х.Бат-Ялалт гар утсыг нь хулгайлчихаагүй нь лавтай. Нэгэн цагт "Женко" Х.Баттулгыг үхэн хатан өмөөрч, хөтлөлцөөд гүйж явсан Л.Эрдэнэчимэг, Г.Уянга хоёр өнөөдөр нэг тэрэгний хоёр дугуйн хувь тавилангаар хоёулаа хамтдаа хаднаас үсэрчихлээ-
Нэг нь бичлэг хийсэн, нөгөө нь бичлэг хийлгэсэн гэдгээрээ нэгнээсээ ялгарч байгааг эс тооцвол өнөөдөр УИХ-ын гишүүн Л.Эрдэнэчимэг, Г.Уянга нар яг ижилхэн нөхцөлд байна. Ёстой л нэг тэрэгний хоёр дугуй гэх хоржоонтой үг өнөө цагт мань хоёрт яв цав тохирчээ. Нэгэн цагт УИХ-ын гишүүн, "Женко" Х.Баттулгын төлөө үгээ хэлж, түүнийг үхэн хатан өмөөрч, бүр хөтлөлцөх шахуу "Баянгол" зочид буудлын үүдэнд гүйж явсан мань хоёр өнөөдөр нэг тэрэгний хоёр дугуйн хувь тавилангаар хоёулаа хамтдаа хаднаас үсэрчихлээ.
Нэг нь бичлэг хийсэн, нөгөө нь бичлэг хийлгэсэн гэдгээрээ нэгнээсээ ялгарч байгааг эс тооцвол өнөөдөр УИХ-ын гишүүн Л.Эрдэнэчимэг, Г.Уянга нар яг ижилхэн нөхцөлд байна. Ёстой л нэг тэрэгний хоёр дугуй гэх хоржоонтой үг өнөө цагт мань хоёрт яв цав тохирчээ. Нэгэн цагт УИХ-ын гишүүн, "Женко" Х.Баттулгын төлөө үгээ хэлж, түүнийг үхэн хатан өмөөрч, бүр хөтлөлцөх шахуу "Баянгол" зочид буудлын үүдэнд гүйж явсан мань хоёр өнөөдөр нэг тэрэгний хоёр дугуйн хувь тавилангаар хоёулаа хамтдаа хаднаас үсэрчихлээ.
Өөрөөр хэлбэл, нийтийн сүлжээнд тавигдсан даруйдаа олны бай болж, одоо ч амны зугаа хэвээр байгаа Л.Эрдэнэчимэг гишүүний Төрийн ордонд архи ууж, тамхи татаж байгаа 26-хан секундын бичлэгийг "Шударга шүүх" ТББ-ын тэргүүн, өмгөөлөгч Х.Бат-Ялалт, "Ийгл" телевизийн сэтгүүлч Т.Алтаншагай нар хэвлэлийнхэнд тараасан гэхээсээ илүүтэй тэрхүү бичлэгийг нь хийсэн УИХ-ын гишүүн Г.Уянга үнэхээр утсаа хулгайд алдсан уу, эсвэл санаатайгаар бичлэгийг "өрсөлдөгч"-ийнх нь гарт өгсөн үү гэдэг сонин.
Цахим ертөнцийн зарим хэрэглэгч "Архи, тамхи хэрэглэж, секс хийхгүйгээр амьдарч болохгүй" гэх сургаалыг төрийнхөө ордонд хөлчүүхэн айлдсан Л.Эрдэнэчимэг гишүүний бичлэгийг утасны эзэн санаатайгаар тараасан гэж хардаж байгаа нь үнэн. Гэвч УИХ-ын гишүүн Г.Уянга утсаа хулгайд алдсан гэх үнэн, худал нь мэдэгдэхгүй тайлбарыг өгсөн бөгөөд утасны хулгайчийг олуулахаар хууль хяналтын байгууллагад хүртэл мэдэгдсэн гэх. Хэрэв Г.Уянга гишүүн үнэхээр утсаа алдсан нь үнэн бол цагдаа нар хулгайчийг хайж цаг алдах ямар ч шаардлагагүй, бичлэгийг анх олон нийтэд тараасан нөхөд утасны хэрэгт холбоотой гэдэг нь хэнд ч тодорхой. Гэхдээ хулгайд сэрдэгдсэн тэд ч бас өөр тайлбарыг хэлж байгаа. Өөрөөр хэлбэл, тэрхүү бичлэгийг Г.Уянга гишүүн өөрөө өгсөн гэж мэдэгдсэн. Тэгээд ч хууль, хяналтын байгууллагад утсаа хулгайд алдсан гэх мэдээллийг өгөхөөс татгалзаж, "мэдэхгүй" гэх тодорхойгүй хариултыг өгч байгаа нь бас л үнэн.
Энэ бүх үйл явдлаас өнгөц харахад нэг эзний хоёр "зарц" явсан Л.Эрдэнэчимэг, Г.Уянга нар мэсгүй тулалдаж, цусгүй үхэхээр шийдэв үү гэлтэй. "Нэг эзний хоёр зарц" гэж тодотгосны учир УИХ-ын гишүүн Л.Эрдэнэчимэг хэзээнээсээ л "Женко" Х.Баттулгын хүн байсан. Тэрбээр Х.Баттулга гишүүний хэлсэн үг, хийсэн үйлдэл бүрийг нь дэмжиж, парламентын танхимд "кноп"-ын үүрэг гүйцэтгэдгийг нь мэдэхгүй хүн үгүй. Харин УИХ-ын гишүүн Г.Уянга МҮАН-ын дарга М.Энхсайханаасаа нэг л өдөр "урваж", гэнэтхэн л "Женко" Х.Баттулгыг өмөөрч, хамгаалах болсон.
Хамгийн сүүлд л гэхэд, тусгайгийнхан "Женко" Х.Баттулгын эзэмшлийн "Баянгол" зочид буудалд дайран орж, гишүүнийг баривчлах гэж байна гэх сургаар УИХ-ын гишүүн Г.Уянга хөлөө хугалах шахам гүйн ирж байгаа харагдсан. Тэгээд ч сайн анзаараад харвал, сүүлийн үед нэг бус удаа УИХ-ын гишүүн Л.Эрдэнэчимэг, Г.Уянга хоёр чуулганы танхимд "эзэн"-ийнхээ төлөө дуугарч, хамтын хүчээр улс төр хийх болоод байсан.
Харамсалтай нь, өнөөдөр мань хоёр санаатай болон санамсаргүйгээр ч бай нэгийгээ "хорлох", "намнах" гэсэн башир аргаар өөр хоорондоо ноцож эхэллээ. Зүгээр л энэ удаад Г.Уянга гишүүн түрүүлж алхам хийсэн гэж ойлгохоор байна. Гэхдээ үнэхээр Л.Эрдэнэчимэг гишүүнийг Төрийн ордонд архи ууж, тамхи татаж байхад нь Г.Уянга гишүүн бичлэг хийснийг Г.Уянгыг унтаж байхад нь Х.Бат-Ялалт хулгайлчихаагүй л юм бол энэ нь "санаатай үйлдэл" гэж хардахаар байгаа юм.
Ямартай ч нэгнийгээ "хорлох", эсвэл "аврах" дээрх үйлдэл нь бичлэг хийлгэсэн Л.Эрдэнэчимэг, бичлэгийг хийсэн Г.Уянга хоёрыг хоёуланг нь шавартай нь хутгачихлаа. Үнэхээр мань хоёр "Женко" Х.Баттулгыг хөтлөлцөөд өмөөрч байсан шигээ хөтлөлцөөд хаднаас үсэрчихлээ, хөөрхий.
Эх сурвалж:
