МИАТ ХК-ийн Зорчигч үйлчилгээний хэлтсийн С.Батсүх ажилтантайгаа зүй бусаар харьцаж байгаа бичлэг цахим сүлжээнд ил болоод байна. Тэрээр ажилтнаа бэйсболын цохиураар цохиж байгаа үйл явц дүрс бичлэгт үлдсэн байв. Цохиулсны дараах тухайн ажилтны биенд багагүй гэмтэл учирсан байв.
Тэгвэл энэ асуудлаар МИАТ ХК мэдэгдэл гаргажээ. Уг мэдэгдэлд "Цахим орчинд тархаад буй МИАТ ТӨХК-ийн Зорчигч үйлчилгээний хэлтсийн дарга С.Батсүхийн ажилтантайгаа зүй бус харьцаж буй үйлдэлд хариуцлага тооцож ажлаас нь чөлөөлж, хуулийн байгууллагаар шалгуулахаар шилжүүлж байгааг мэдэгдэж байна" гэсэн байна.
