Хөвсгөл аймгийн МАН-ын хороо 2015 оныг намын дэргэдэх төрийн бус байгууллагуудыг дэмжих жил болгон зарласан билээ. Энэхүү жилийн хүрээнд МАН-ын дэргэдэх Ахмадын холбоо, НАМЭХ, НАМЗХ, НАМОХ зэрэг төрийн бус байгууллагууд өөрсдийн үйл ажиллагаандаа шинэлэг санаачлага дэвшүүлсэн олон ажлуудыг төлөвлөн ажил хэрэг болгож байна.
Бүгдээрээ хэлэлцвэл буруугүй гэдэг. Хөвсгөл аймгийн Монгол Ардын Нам 4-р сард НАМОХ-ны чуулган, 9 сард НАМЗХ-ны 1000 залуучуудын чуулганыг зохион байгуулсан бол намынхаа тулах хүч болсон ахмадын холбоо, эвийн хүч болсон НАМЭХ-ны чуулганыг саяхан зохион байгуулжээ.
Энэ үеэр МАН-ын дарга Л.Ганболд хэлэхдээ “Бид ахмадуудийнхаа нийгмийн халамж, хамгаалал, эрүүл мэндийн үйлчилгээний чанар хүртээмжийг сайжруулахын тулд эмэгтэйчүүдийнхээ улс төрийн оролцоо, нийгэмд дуу хоолойгоо нэгтгэх, хөгжих, боломжыг хангахын тулд хичээн чармайж ажиллах болно. Ирэх он жилүүдэд “БИД ХАМТДАА” байж хоймор нутгийнхаа хөгжил дэвшлийн төлөө бүх чадлаа дайчлан ажиллана гэдэгт итгэл төгс байна” хэмээжээ.
Эмэгтэйчүүдийн чуулганд НАМЭХ-ны удирдах зөвлөлийн гишүүд Л.Амгалан, Н.Оюундарь Д.Оюунчимэг нар хүрэлцэн ирж гишүүдийнхээ саналыг сонслоо.
Мөн энэхүү арга хэмжээнд УИХ-ын гишүүн МАН-ын удирдах зөвлөлийн гишүүн Л.Энх-Амгалан урилгаар оролцож Ахмад, эмэгтэйчүүдээ бүхийл талаар дэмжин ажиллана гэдгээ илэрхийллээ. Хамтран ажиллах санамж бичигт гарын үсгээ зурлаа.
300 гаруй төлөөлөгчийг хамруулсан тус арга хэмжээний үеэр аймгийн МАН-ын дэргэдэх Ахмадын холбооны дарга Ч.Доржготов ахмадууд, эмэгтэйчүүд, залуу үе нэгдэж хамтран ажиллахын ач холбогдол, гишүүд, дэмжигчиддээ мэдээллийг зөв арга замаар түгээх талаарх өөрийн санал бодлоо хэлэв. Хөвсгөл аймгийн 23 сум, Хатгал тосгоноос ирсэн төлөөлөгчид МАН-ын удирдлагууд, бага хурлын гишүүдэд санал бодлоо хэлж холбогдох асуултадаа хариулт авлаа.
Бүтэн өдрийн турш үргэлжилсэн арга хэмжээний үеэр орон нутгаа хөгжүүлэх үйлсэд манлайлж яваа гишүүд МАН-ын шагналууд болон аймгийн Засаг дарга, ЗДТГ-ын үнэ хүндтэй шагналуудаар шагнагдсан байна.
