Гэмт хэргийн гаралт буурч байгаа гэсэн мэдээллийг цагдаагийн байгууллагаас өгч буй. Гэвч эрүүгийн нөхцөл байдал хүнд хэвээр байна. Хүний амийг зэрлэгээр хөнөөх явдал сүүлийн жилүүдэд өсөх хандлагатай. Олон сарын турш хэвлэлүүдээр шуугиан тарьсан Г.Алтанхүү гэгч нь хамтран амьдрагч эмэгтэйгээ хөнөөсөн хэргийг шалгаж дуусаагүй байгаа аж. Түүний хэргийг шалгах явцад шүүх эмнэлэгийн зарим ажилтнууд шинжээчийн дүгнэлтийг хуурамчаар гаргасан байв. Энэ тухай саяхан Нийслэлийн прокуророос олон нийтэд мэдээлсэн бөгөөд талийгаач эмэгтэйг алсан гол буруутан Г.Алтанхүү хэмээн үзэж хэргийг нь шүүхэд шилжүүлжээ. Түүний хэргийг шүүх хурал удахгүй Дүүргийн эрүүгийн хэргийн анхан шатны 1 дүгээр шүүхэд болох юм байна. Шинжээчийн дүгнэлтийг будлиантуулсан этгээдэд мөн хариуцлага тооцохоор болжээ.
Б.Баяр
Эх сурвалж: Tumen.mn
