Ерөнхий сайд асан Н.Алтанхуягийн ахлах зөвлөх Л.Гансүх нарт холбогдох шүүх Баянзүрх, Сүхбаатар, Чингэлтэй дүүргийн шүүхэд үргэлжилж байна. Өчигдөр эхэлсэн шүүх хурал 8 цаг үргэлжсэний эцэст ажлын цаг дууссан гэх шалтгаанаар өнөөдрийг хүртэл завсарласан юм. Өчигдрийн хуралд Л.Гансүх "Нүүрс" хөтөлбөрийг хэрхэн хэрэгжүүлсэн, уг хөтөлбөр хэрхэн амжилттай хэрэгжиж байсан, АТГ өөрт нь зохиомол хэрэг үүсгэсэн гэхчлэн олон асуудлаар мэдүүлэг өгсөн юм.
Тэгвэл өнөөдрийн хуралд улсын яллагчийн зүгээс шүүгдэгч Л.Гансүхээс асуулт асууж тайлбар авч байна.
Түүнийг Эрүүгийн хуулийн тусгай ангийн 166.2, 263.2-т зааснаар буруутган шүүж байна. Учир нь АТГ-аас Л.Гансүхийг Шинэчлэлийн Засгийн газраас хэрэгжүүлсэн "Нүүрс хөтөлбөр"-ийн хөрөнгөнөөс 3.6 тэрбум төгрөг завшсан хэрэгт буруутган шүүхэд шилжүүлсэн билээ.
Б.Анир
