Өнөөдрийн цахим сүлжээгээр хүн бүхэн талархсан үгээ дайж байгаа зураг бол дээрх зураг юм. Магадгүй энэ хүнд бусдаас илүү гарсан их мөнгө төгрөг байхгүй ч байж болно. Гэхдээ л өөртөө байгаа сайхан сэтгэлээр бяцхан хүүхдүүдийг баярлуулах сэтгэлтэй нэгэн.
Яруу найрагч Ц.Хулан нэгэн нэвтрүүлэгт оролцохдоо “Хүүхдээ салхилуулж явахдаа хүүхдийн тоглоомын талбайн дээрх баавгайн баримал дээр онцгүй үгнүүд бичсэн байсан. Тэгэхээр нь түүнийг нь цэнхэр өнгөөр будчихсан” хэмээн ярьж байсан.
Өөрийнхөө хийж чадах зүйлийг хэн нэгнээс хариу нэхэх бус бусдын төлөө хийдэг хүмүүст үргэлж буян хурж байдаг. Олон, олон хүүхдүүд таны сайхан сэтгэлд баярлаж байгаа өвөө. Таны зурсан энэ хөөрхөн зургийг хараад нүүрэндээ инээмсэглэл тодруулан алхах бяцхан жаалууд олон байгаа шүү.
Л.Баяр
