Орхон аймагт үйл ажиллагаа явуулдаг ААНБ аас цөөхөн нь улсдаа “ТОР”-доо ордог байгууллагууд байдаг. Тэдний нэг нь яалт үгүй Эрдэнэт хивс бөлгөө. Мэдээж аль ч аж ахуйн байгууллага илүү их ашиг олон, улсдаа үр өгөөжөө өгч, мандан бадрахыг эрмэлздэг нь бизнесийн эрхлэгчдийн хүсэл . Гэхдээ ямар замаар вэ гэдэг нь тэдний сонголт л юм даа. Эрдэнэт хивснийхэн их улс төрд орохоор шийдсэн бололтой. Гэхдээ байгууллага нь биш хэсэгхэн амбицтай нөхөд их улс төрд алсыг харсан нүүдэл хийж МАН-ыг сонгож байгаа гэнэ. Ингээд ирэх бүтэн сайнд болох Баян Өндөр сумын Монгол Ардын Намын хорооны үүрүүдийн тайлан сонгуулийн хуралд өөрсдийн даргын суудлаа авч үлдэхийн тулд наран, их залуу, дэнж, эрдэнэ, хүрэнбулаг багт амьдардаг ажилчдын судалгааг гаргуулж, цехийн мастеруудаар дамжуулан МАН-д элсүүлэх анкет тараан та нар санаа зоволтгүй намд элсээд намайг дэмжиж санал өгөөд л болоо гэж “найрах” ажилдаа шуурхайлсан байна. Эдгээр ажлыг гардан зохион байгуулагчид болох будилааны эзэд нь Дэнж багийн МАН-ын үүрийн даргаар ажиллаж буй Ууганбаяр, Наран, Хүрэнбулаг багаас сумын ИТХ-д нэр дэвших мөрөөдөл өвөртлөн сая намд элсэх анкет бөглөсөн компьютерийн инженер Болор Эрдэнэ, механикийн инженер Хосбаяр, дэнж, эрдэнэ багаас нэр нэр дэвших хүсэл өвөртөлсөн эдийн засагч Эрдэнэчулуун, Батмөнх, барилгын инженер Эрхэмбаяр, маркетингийн менежер Гандолгор нар гэнэ ээ.
Үгүй ээ болоогүй бушуу туулай борвиндоо баастайн үлгэрээр эд нар дунд цохиж яваа Болор Эрдэнэ, Батмөнх нь 2012 оны сонгуулиар ардчисан намыг дэмжээд бид ардчилалын гишүүн гээд сурталчилгаа хийж явсан нэгэн ажээ. Энэ ч ажлын шагнал юм уу хивсэнд ажиллаж байсан эгч нь сонгуулийн дараахан ГОК д ажилд орсон гэнэ. Эдний энэ үйлдлийг харсан мэдсэн учир мэдэх хүмүүс ёстой л тоон дотор үсэг цохиж явна гээчийн үлгэр болж байна даа гэж ханцуйн дотроо шивнэн шоолж байгаа бололтой. Монголчууд хэзээ байтлаа урвагчдыг өршөөж байлаа даа. Тэр тусмаа 90 гаруй жилийн түүхтэй хүний нөөцийн талаар аль ч намаас толгой илүү МАН эдгээр хор найруулагчдаар дутахгүй л болов уу.
Хөөрхийс дөө төр түмэн нүдтэй, үнэнээр явбал үхэр тэргээр туулай гүйцэнэ гэдэг ардын зүйр үг амьдралаас л гарсан юм шүү дээ. Энэ үгийг эд нарт ой тойнд нь ортол зааж сургах хүн байхгүй л юм болов уу. Зул бөхөхийнхөө өмнө бадамладаг гэдгийн адил болохгүй бол ингэж хор найруулаад түр ч болов бадамлая гэж санаж дээ эд нар.
Өөрсдийн ашиг хонжооны төлөө энэ олон ажилчдыг чирэгдүүлдэг ийм хүмүүст итгэж болно гэж үү ухаант хүмүүс минь. Эрдэнэт хивсээр юу л болоод байна даа. Ам алдвал юу гэдэг билээ. Арга хэмжээ авахгүй бол ажиллах хүнгүй болж мэдэх нь шүү ” номингийнхоон”.
