Таван толгойн хөрөнгө оруулагчид тодорч, гэрээний нөхцлүүд дээр ажиллаж байна. Одоо хоёр дахь шатны хэлэлцээр нь эхлээд байгаа аж. Ирэх долоо хоногт энэ асуудлаар Монгол улсын сайд М.Энхсайхан мэдээлэл хийх юм байна. Гэвч Таван толгойн хувьцааг иргэдэд хэзээ олгох талаар тодорхой зүйл хэлэхгүй нь бололтой. Энэ талаар мэдэх хүн ч бараг алга. Анх 2011 онд Таван толгойгоос иргэн бүрд 1072 ширхэг хувьцаа олгохоор зарласан. Үүнээс хувьцаагаа төрд нь буцааж өгөөд мөнгөө авахыг хүссэн 1.2 сая иргэн өргөдлөө өгсөн байлаа. Одоо энэ мөнгө байхгүй байгаа аж. Тодруулбал, ойролцоогоор 1.2 тэрбум ширхэг хувьцааны үнэд иргэддээ төрөөс 1.1 их наяд төгрөг өгөх тооцоо гарсан байв. Үлдсэн хувьцааг нь ч “Эрдэнэс Таван толгой” компани хэрхэн шийдэх нь тодорхойгүй байна.
Б.Баяр
Эх сурвалж: tumen,mn
