Японы мэргэжлийн сумогийн энэ оны нэгдүгээр сарын тэмцээн үргэлжилж байгаа. Нацү башё олон сонирхолтой үйл явдлаар дүүрэн өрнөж байгаа учир үзэгчид ордныг дүүргэн сумо сонирхож байна. Юуны өмнө 69 дэх ёкозүна Хакухо 33 дахь түрүүгээ авах болов уу гэдэг хүлээлт байгаа бол дээд зиндаанд гарч ирсэн анхны башёдоо сэкивакэ цолны болзол хангасан Ичиножёогийн тухай Японы бүх сэтгүүлчид бичиж байна.
Тэмцээний өмнө Минато дэвжээгээр олон сэтгүүлчид зочлон нэвтрүүлэг, сурвалжлага хийсэн. Нэгэн сэтгүүлч “Нэгдүгээр сарын башёгийн хамгийн хүчтэй өрсөлдөгч чинь хэн байх бол” гэхэд шинэхэн сэкиваке эргэлзэх зүйлгүй цол нэгт Аойямаг нэрлэжээ. Болгарын бөх ирээдүйд том цол хүртэх магадлалтай гэж мэргэжилтнүүд үздэг. Мөн өнгөрсөн башёд гадаадын хоёр сэкивакэ тавиас дээш хувийн амжилтаа үзүүлж, цолоо хамгааласан.
Ичиножёо хэлэхдээ “Мэдээж бүх бөхчүүд хүчтэй. Аварга, арслангуудаас гадна Аойяма миний гол өрсөлдөгч” гэсэн юм. Токицүзакэ дэвжээнд болсон хоёр бөхийн хамтарсан бэлтгэлд дээр маш ширүүн барилдаан болжээ. Касүгано ояката хоёр бөхийг “Тайван барилдацгаа” гэж уурлан байж тэднийг зогсоосон аж. Учир нь хоёр бөх нэгнийгээ өстөн дайсан мэтээр төсөөлж, унасан хойно ч нэмж түлхэн хор шартай барилджээ.
Эх сурвалж: Zaluu.com
