Арабын “Al Jazeera” телевизийн сэтгүүлч Мухаммед Фахми редакциасаа 100 сая ам.долларын нөхөн олговор шаардан Канадын шүүхэд зарга үүсгэсэн талаар “CNN” агентлаг мэдээллээ.
Тэрээр террорист бүлэглэлд тусалсан хэрэгт буруутгагдан Египетийн шоронд жил гарангийн хугацаанд хоригдсоны эцэст суллагдсан юм.
Мухаммед Фахми худал хэрэгт буруутгагдан шоронд 400 өдөр хоригдож байхад “Al Jazeera” телевизийн удирдлагууд үл тоож, хайхраагүй гэж мэдэгджээ.
“Al Jazeera” телевизийн гурван сэтгүүлч Египетэд террорист байгууллага хэмээн зарласан “Мусульман ахан дүүс” хөдөлгөөнийг дэмжин худал цуурхал тараасан хэрэгт буруутгагдан шоронд хоригдож байсан юм.
Египетэд 2013 онд төрийн эргэлт гарч ерөнхийлөгч Мухаммед Мурси болон түүний “Мусульман ахан дүүс” хөдөлгөөн төр, засгийн эрхээс буусан билээ.
О.Мөнхдуулга
