Эх сурвалжийн мэдээлснээр дөнгөж сая зургаан сайдын нэрс эцсийн байдлаар тодорхой боллоо. Тодруулбал, Шударга ёс эвслээс Ц.Оюунбаатарыг Шадар сайдад, Н.Батцэрэгийг Барилга хот байгуулалтын сайдад, З.Баянсэлэнгийг Байгаль орчин, ногоон хөгжлийн сайдад. Харин АН-аас М.Зоригтыг Зам тээврийн сайдад, Г.Баярсайхан Хөдөлмөрийн сайдад, Б.Болорыг Сангийн сайдад тус тус нэр дэвшүүлэхээр болжээ.
Мөн эх сурвалжийн мэдээлж буйгаар эдгээр хүмүүсийн хувийн ашиг сонирхлын урдчилсан мэдүүлгийг АТГ яг одоо хянаж байгаа юм байна. Шинээр ажил албанд томилогдож байгаа бүх төрийн албан хаагчид АТГ-т хувийн ашиг сонирхлын урьдчилсан мэдүүлгээ хянуулдаг хуультай байдаг. Үүнд нь үндэслэн АТГ тухайн хувь хүний хувийн ашиг сонирхол нь нийтийн ашиг сонирхолтой зөрчилдөх үү, үгүй юу гэдгийг хянадаг юм.
Ингэснээр өнөөдөртөө багтаж Ерөнхий сайд шинэ сайдуудынхаа нэрсийг Их хуралд өргөн барих бололтой. Учир нь өнөөдрөөр хуулийн хугацаа нь дуусч байгаа юм.
