Монголчууд эртнээс сайн морь, нохойг эрхэмлэн, журамт нөхрөө болгож ирсэн. Манай улс нохойн үүлдэр угсаагаар дэлхийд тэргүүлэх хэмжээнд явж байсан үе ч бий. Харин 1970-аад оноос хойш цэвэр монгол нохой ховорджээ. Банхар, тайга, хавсар үүлдэр нь Монгол нохойн үндсэн үүлдэр угсаанд тооцдогддог. Сүүлийн жилүүдэд эдгээр үүлдрийг өсгөж үржүүлэх чиглэлээр Монгол туургатны уугуул нохой судлалын холбооноос нэлээд ажлуудыг хийж буй аж. Ийм үүрэг бүхий төрийн бус байгууллагууд хамтран олон улсын тэмцээн уралдаанд оролцох болсон байна. Монголдоо тэд гурван  удаа тэмээн зохиожээ. Дөрөв дэх тэмцээнээ маргааш “Монгол номадик” жуулчдын бааз дээр хийх юм байна. Тэмцээний үеэр хүүхэд, залуучуудын дунд “Нохой” сэдвээр  гэрэл зургийн  уралдаан зэргийг зохион байгуулж, тэргүүлсэн хүмүүсийг  банхарын гөлөгөөр шагнах аж. Нохдыг хооронд нь гадаад байдал, үсний бүтэц, эзнийх нь арчилгаа зэрэг үзүүлэлтүүдээр уралдуулна гэнэ. Эдгээр үзүүлэлт нь Монгол нохойн стандарт хэмжүүр болж байгаа ажээ.

Б.Баяр

Эх сурвалж: Tumen.mn