Баянзүрх дүүргийн 26 дугаар хорооны нутаг дэвсгэр, Олимп хотхоны баруун талд "Зуншин" компанийн барьж байгаа барилгын ажлыг МХЕГ-аас зогсоолоо.
Энэ барилгын захиалагч нь "Кандер" компани юм байна. Мөн СБД-ийн нэгдүгээр хороо, нэгдүгээр сургуулийн урд талд "Зуншин" компанийн барьж байгаа "Болор мэлмий" үйлчилгээ, орон сууцны барилгын ажлыг зогсоосон байна. Уг барилгын захиалагч нь "Макс өргөө" компани ажээ. Энэ барилгаас 30 настай эрэгтэй унаж хүнд бэртсэн юм.
Эдгээр барилгад хөдөлмөрийн аюулгүй ажиллагаа зөрчигдсөн, шаардлага хангаагүй гэж үзсэн болохоор Мэргэжлийн хяналтын ерөнхий газраас тодорхойгүй хугацаагаар зогсоогоод байгаа ажээ.
Бид энэ талаар эргэн мэдээлэх болно.
А.Баярмаа
