Дэлхийн банк жилд хоёр удаа тайлан гаргадаг ажээ. Өчигдөр Зүүн Ази, Номхон далайн бүсийн төлөөлөгчид сэтгүүлчидтэй онлайнаар уулзаж, асуултанд хариуллаа. Дэлхийн банкны үзэж байгаагаар энэ жил тус бүс нутгийн орнуудын эдийн засгийн өсөлт саарах аж. Тэр дундаас Монголын эдийн засгийн өсөлт нэлээд саарах юм байна. Дэлхийн банкны энэ удаагийн тайланд тусгаснаар өсөлт саарах нэг гол нөхцөл нь уул уурхайн хөрөнгө оруулалттай холбоотой юм. Монголын хувьд гадаад эдийн засгийн таагүй орчин, эдийн засгийн тогтворгүй байдлаас болж өсөлт буурах хандлагатай гэсэн байна. Иймээс шийдвэр гаргагчид нь учирч болзошгүй эрсдэлээс зайлсхийх бодлого баримтлахыг зөвлөжээ. Мөн дэлхийн банкны төсөөллөөр 2015 онд манай дотоодын нийт бүтээгдэхүүн 4.4 хувиар өсөх боловч 2017 он хүртэл хөдөө аж ахуйн салбарын өсөлт 11.1 хувь болтлоо буурч болзошгүйг сануулсан байна.
Б.Баяр
Эх сурвалж: Tumen.mn
