2015 оны 06 сарын 30-ны 23:59:59 цагт дэлхийн атомын бүх цаг нэг секунд зогсоно. Дараагийн секундээс 23:59:60 гэж гэж тоолоод 07 сарын 01-ний 00:00:00 цагт шилжих юм.
Учир нь 2015 он нэмэлт нэг секундтэй ажээ. Нэг минутад 60 секунд л байдаг учир 61 дэхийг нь зогсоож өнгөрүүлэхээр одон орончид шийджээ. Энэ тухай Парисын одон орон судлалын төв мэдэгдлээ.
Цагийн этгээд үзэгдэл буюу дэлхий тэнхлэгийнхээ дагуу эргэхдээ удааширснаас ийм илүү секунд үүсэх юм байна. Үүнийг дэлхийн цагт нэмж тохируулахын тулд нэг секундыг зогсоож байгаа гэнэ.
Хамгийн анх 1972 онд дэлхийн цагт нэг секунд нэмэгдэж байжээ. Энэ удаагийнх 26 дахь нь болж байгаа юм байна. Өмнө нь 2012 онд нэмэлт нэг секунд гарч ирсэн гэнэ.
Газар хөдлөлт, далайн татлага, түрлэг, цаг агаарын онцгой үзэгдэл гэх мэт таамаглах боломжгүй хүчин зүйлс дэлхийн тэнхлэгийн дагуух эргэлтийг удаашруулан нэмэлт секунд бий болгодог байна.
Today.mn
