Цахим ертөнцөд хамгийн их шуугиан тарьж буй мэдээлэл нь 200 гаруй жилийн өмнө амьдарч байсан хүний занданшуулсан шарил болоод байна. Уг шарилыг Сонгинохайрхан дүүргийн 9 дүгээр хорооны нутгаас олсон гэх боловч энэ нь ташаарсан мэдээлэл байжээ. Тус хорооны Зүүн баян уулын гудамжинд амьдардаг “Э” гэгч нь тэрхүү шарилыг хөдөөнөөс оруулж ирээд хашаандаа нуусан байсныг цагдаагийнхан олж авсан юмсанж. Цагдаагийн ажилтнууд газар дээр нь баримтжуулан хурааж авсан шарилаа шүүхийн шинжилгээний үндэсний хүрээлэнд түр шилжүүлжээ. Бурханч лам Г.Пүрэвбат шарилыг очиж үзсэн байна. Шарилыг одоогоор яг 200 гаруй жилийн настай гэж тогтоосон зүйл байхгүй аж. Бурханч лам Г.Пүрэвбат  “Зохих журмын дагуу сайтар занданшуулсан шарил байна. Он удаан жилийн явцад чийг авч, нуруу нь бөгтийсөн, дал, сүүж нь гэмтсэн байна. Шилжилгээгээр насыг нь тогтоосны дараа хэн гэдэг хувилгаан, гэгээнтэн байсныг тогтоох боломжтой” гэжээ. Занданшуулсан шарил нь анх Ховд аймгийн нутгаас олдсон юм байна. Тэгээд дээрх “Э” гэгч нь тэр шарилыг өндөр үнээр зарах гэж байжээ. Түүнийг одоо Сонгинохайрхан дүүргийн цагдаагийн хоёрдугаар хэлтэсийнхэн шалгаж байна.

Б.Баяр

Эх сурвалж: Tumen.mn