Өнгөрсөн оны есдүгээр сарын сард Г.Батзаяа нь цусны хорт хавдартай хэмээн оншлогдож, Бээжин хотод эмчлүүлж байсан билээ. Анх 2019 оны есдүгээр сарын 20-ны байдлаар хавдрын тархалт нь 80 хувьтай байсан тул яаралтай чөмөг шилжүүлэн суулгах мэс засал хийлгэх шаардлагатай болсон. Түүний мэс засалд хоёр литр цус шаардлагатай. Гэтэл коронавирусийн улмаас БНХАУ-д цусны нөөц дууссан, Монгол Улсын хил гуравдугаар сарын 20 хүртэл хүн нэвтрүүлэхгүй тул нэгдүгээр цусны донор тэндээсээ олох шаардлагатай болоод байсан юм. Тэгэхэд Өвөр Монгол залуус түүнд цусаа өгөхөөр болж баяртай мэдээ дуулгаж байсан нь саяхан.
Тэгвэл 28-хан настай залуу бүрэн эдгэрч өнөөдөр эмнэлгээс гарч байгаа сайхан мэдээг өөрийн цахим хуудсандаа нийтэлжээ.
