Оросын эстрадын загалмайлсан эх гэгддэг Алла Пугачевагийн бяцхан охины зураг интернэтэд бөөн шуугиан тарилаа. 67 настай Алла өөрөөс үе мултарсан дүү Максим Галкинтай гэрлээд тээгч эхийн тусламжтай ихэр хүүхэдтэй болсон талаар манай сайт тухайн үед нь хүргэж байсан.
Харин одоо Галкин бяцхан Лиза охиныхоо зургийг интернэтэд цацжээ. Хоёр одын шүтэн бишрэгчид энэ зургийн доор бөөн бөөн магтаал бичиж, лайкалжээ. "Ээж шигээ хөөрхөн охин байна, "Харахаас л өхөөрдөм", "Эгдүүтэй", "Ээжийгээ хуулбарлажээ", "Ийм ялдам, гайхалтай сайхан дүр төрхтэй юм чинь заавал дуучин эсвэл жүжигчин болох хэрэгтэй" гэх зэргээр тэд бичсэн байна.
Тэд одоо Латвид байгаа юм байна. Алла энд дуучин Лайма Вайкулегийн зохиосон дууны наадамд хүрэлцэн ирсэн аж. Сонирхуулахад, Максим энэ долоо хоногт 40 нас хүрсний баяраа энд өргөн дэлгэр тэмдэглэжээ.
www.mnews.mn
