Өнөөдөр буюу наймдугаар дугаар сарын 21-нд 10.00 цагаас Улаанбаатар хотын хөгжлийг дэмжих түр хорооноос үе үеийн хотын дарга юу хийсэн талаар Хангарьд ордонд нээлттэй сонсгол хийнэ.
Энэ зун орсон үер борооны улмаас нийслэл орчимд их хэмжээний хохирол учирсан. Байшин барилга, машин тэрэг үерт автаж, иргэд ч амь насаа алдсан. Энэ бүхний учир шалтгаан нь эмх замбараагүй газар олголт, усны урсац хааж барьсан байшин барилгатай холбоотой гэж дүгнэсэн. Үүнтэй зэрэгцээд тухайн байршлуудад зөвшөөрөл олгосон нийслэлийн үе үеийн засаг дарга нарын дата мэдээллийг задалсан билээ.
Тэгэхээр өнөөдрийн энэ нээлттэй сонсголоор Улаанбаатар хотын үе үеийн удирдлагууд юу хийснээ тайлбарлах нь.
