УБТЗ-ын Тээвэр зохицуулалтын албаны орлогч дарга С.Батдөлийн гэр болон хамаарал бүхий этгээдүүдийнх нь гэрээс 10 гаруй тэрбум төгрөг хураан авч, түүнийг нэг сар цагдан хориод байгаа билээ. Тэгвэл түүний гэрээс хураасан мөнгөний эх үүсвэрийг тогтоох мөрдөн шалгах ажиллагаа үргэлжилж байгаа аж. С.Батдөл нь 2021 онд тус албанд томилогдсон, богино хугацаанд хөрөнгөжсөн албан тушаалтан бөгөөд албан тушаалд томилогдсон цагаасаа эхлэн өөрийн хамаарал бүхий тээврийн компаниудад давуу байдал олгож, их хэмжээний шан харамж авч, нүүрс тээврийн үйл ажиллагаа явуулдаг байсан байна. Мөн өөрийн болон эхнэрийн нэр дээр нэлээд үл хөдлөх хөрөнгө, үйлчилгээний газрууд, мөн их хэмжээний бэлэн мөнгө, валют хуримтлуулжээ.
Монгол, Оросын хувь нийлүүлсэн “Улаанбаатар төмөр зам” нийгэмлэгийн удирдлагыг ОХУ-ын төмөр зам бүрдэхүүн шийддэг. Монголын төмөр замын бодлогыг шууд утгаараа “хойноос” удирддаг гэхэд хилсдэхгүй. Харин УБТЗ дахь дотоод томилгоо, хурган дарга нарыг дан улстөрчид нөлөөлж хүчээр томилуулдаг.
Дарга нарын цүнх барьж сонгуулийн менежерээр ажилладаг нөхдүүд төмөр замд ажилд орохоороо “ашиг хонжоо хайж, байгууллагынхаа нэр хүндийг шороотой хутгадаг жишгийг С.Батдөлөөс харж болохоор байна. Тэгвэл С.Батдөлийг сангийн сайд Б.Жавхлангийн сонгуулийн менежерээр ажиллаж байсан түүний ойрын хүн гэдэг бол ТӨБЗ газрын дарга Б.Цэнгэлийн УБТЗ-д томилуулсан хүн гэдэг яриа байдаг. Ямартаа ч АТГ С.Батдөлийн гэр гэрээс хураан авсан 10 гаруй тэрбум хууль бусаар олсон мөнгийг нуун дарагдуулсан үйлдлийг шалгаж сүүний холбоо сүлбээтнүүдийг удахгүй нийтэд мэдээлэх биз ээ.
