“Гаалийн” Баатарын хэргээс хойш ГЕГ-ын хэмжээнд авлига, хээл хахуулийн томоохон хэрэг гарсангүй. Гэхдээ гааль нь авлигад өртөх хамгийн өндөр эрсдэлтэй  салбаруудын нэг хэвээрээ байгаа. Авлигын жижиг  хэлбэрүүд ч энд байсаар байна.

Буянт-Ухаа дахь Гаалийн газрын улсын ахлах байцаагч П.Нямдорж гэгчийн хэргийг АТГ-аас шалгаж,  саяхан дүүргийн эрүүгийн хэргийн 2 дугаар шүүх ял оноожээ. П.Нямдорж нь гар утасны ченжүүдтэй холбоотой ажиллаж, тэдний барааг гаалийн татвараас чөлөөлж байсан байна. Олон удаагийн ийм үйлдлээс  харин баталгаатай баримтаар нотлогдсон нь тун цөөн аж. Харин  Д.Энхтулга, Б.Очирхүү нартай  тохиролцон гаалийн болон нэмэгдсэн өртгийн албан татвараас чөлөөлсөний хөлсөнд 800 мянган төгрөг хахууль болгож авсан  хэрэгт нь шүүхээс ял сонсгожээ. П.Нямдоржид төрийн албанд ажиллах эрхийг хоёр жилээр хасч, хоёр жил хорих ял оноосон байна. Тэрбээр  Д.Энхтулга, Б.Очирхүү  нарт  тийнхүү үйлчилснээрээ улсад орох орлогоос 20.5 сая төгрөг хаасан байжээ. Хэргийн хамтрагч Д.Энхтулгад нь татвараас зайлсийсэн, авлига өгсөн гэдэг үндэслэлээр 3 жил зургаан сар хорих ял оноожээ.

Б.Баяр

Эх сурвалж: Tumen.mn