УИХ-ын сонгуулийн 70 дугаар тойрогт МАН-аас нэр дэвшигч Д.Лүндээжанцан өнөөдөр мэдэгдэл гаргалаа. Тэрбээр тус тойрогт нэр дэвшигч З.Энхболдыг өөрийг нь гүтгэсэн хэмээн үзэж байгаа ажээ. Тодруулбал, АН-ын дарга З.Энхболд 2016 оны зургадугаар сарын 25-ны өдөр Төрийн ордонд мэдээлэл хийхдээ Д.Лүндээжанцан гишүүний сонгуулийн сурталчилгааны самбар З.Энхболдынхоос хэд дахин илүү байгаа тухай ярьжээ. Ингэхдээ хууль бус орлогоор сурталчилгааны самбарынхаа санхүүжилтийг гаргасан мэтээр илтэд гуйвуулсан мэдээлэл тараасан байна. Тиймээс нэр дэвшигч Д.Лүндээжанцан шүүхэд хандахаа дараах албан бичгээр мэдэгджээ.
