Жингээ хасч гоолиг сайхан биетэй болохыг хүсдэг бүсгүйчүүд олон бий. Тэдэнд дуулгах сайхан мэдээ байна. Б.Хулангийн жингээ хассан түүхтэй хамтдаа аялцгаая.
-Бүсгүйчүүд маань илүүдэл жингээсээ салахыг маш их хүсдэг. Харин та бусад эмэгтэйн хүсдэг зүйлийг аль хэдийнээ хэрэгжүүлж чадсан гайхалтай бүсгүй. Яаж турсан бэ? Бидэнтэй хуваалцаач.
-Сайн байцгаана уу? Хүн ер нь гуалиг биетэй болох гэж биш эрүүл биетэй болохын төлөө хичээвэл хамгийн зөв. Би багаасаа спортоор хичээллэдэг байсан. Жирэмсэн байхдаа хүртэл иога-аар хичээллэдэг байсан. Энэ нь төрсний дараа турахад их дэм болж өгсөн байх.
-Яагаад заавал иога гэж? Иогаар хичээллэх нь ямар үр дүнтэй вэ?
-Хүнд дасгал хийх нь эрсдэлтэй учир хөнгөхөн иогаар хичээллэдэг байсан. Хамгийн том сайн нөлөө нь жирэмсэн байх хугацаанд тонус өөгөөгүй. Мөн жин харьцангуй бага байсан.
-Төрснийхөө дараа өдөртөө юу иддэг байсан бэ? Ер нь турахыг хүсэж байгаа бүсгүйчүүд маань юу идвэл тохиромжтой бол?
-Хамгийн гол нь тэжээллэг хоол идэх хэрэгтэй. Миний хувьд өглөө босоод заавал хүйтэн ус уудаг. Мөн хар талх , өндөг , ногооны салат гэх зүйлсийн цадатлаа иддэг. Өдрийн 15.00 цаг хүртэл өлсдөггүй. Өдөртөө хар мах , гурвалжин будаа , гүц будаа , тахианы цээж мах гэх мэт зүйлсээр хоол хийгээд иддэг. Тэгээд 16.00 цагаас хойш юм иддэггүй. Аль болох шингэн зүйл сайн уугаад өлсөөд байвал жимс ногоо иддэг. Гурилан бүтээгдэхүүн , цагаан будаа , амттан гэх мэт зүйлсийг идэхэээс татгалзах хэрэгтэй.
-Зөвхөн хоолны дэглэм барихаас гадна дасгал хийдэг үү?
-Өдөр бүр хийдэг шүү. Нярай хүүхэдтэй эмэгтэйчүүд маань өөрийнхөө биеийг гаргуунд нь гаргачихдаг. Тэгэж болохгүй шүү. Цаг зав олдвол л хөдлөөд бай. Би оройдоо хүүхдээ салхилуулахдаа дээсээ бариад гардаг шүү.
-Дээрх дэглэмүүдийг бариад хэдэн сарын хугацаанд хэдэн кг турсан бэ?
-Одоогийн байдлаар 1 сарын хугацаанд 60-52кг болсон байна.
-Монголжингоотойгоо ярилцсанд баярлалаа. Бусад бүсгүйчүүддээ хандаж хэлэх зүйл байна уу?
-Та бүхэндээ ч баярлалаа. Турах гэж буй хүнд хамгийн чухал нь тэвчээр юм шүү. Мөн жирэмсэн гээд идээд хэвтээд байж болохгүй. Аль болох сайн хөдлөөд байгаарай.
Эх сурвалж: www.Mongoljingoo.mn
