 |
Монголын рок попын цөөн охидын хамтлагийн төлөөлөл “Киви” хамтлагийн дуучин Ц.Намуун өөрийн анхны "One moment" цомгийн нээлтээ хийгээд удаагүй байна. Хамтлагийн ахлагч Ука ээж болсноор тэдний хамтлаг уран бүтээлээсээ хөндийрсөн. Тэгвэл хамлагийн дуучин Ц.Намуун соло уран бүтээлээ хийж байгаа аж. Түүний хувьд бие даасан анхны цомгоо гаргаад ихэд баяртай байгаа гэнэ. Энэ үеэр сэтгэгдлээ хуваалцахдаа “Ука маань саяхан ээж болсон. Эмэгтэй хүн бүх хэзээ нэгэн цагт ээж болдог. Яг энэ цаг үедээ Ука маань гэр бүл зохиож, ээж болж, “Киви” хамтлагийн гишүүдийн тоог нэгээр нэмсэн. Гадуур манай хамтлагийн продессэр Б.Ангирмааг хамтлагийнхаа гурван бүсгүйг хүнтэй гэрлэж, хүүхэд төрүүлж болохгүй гэж гэрээ хийдэг гэсэн яриа байдаг. Энэ бол тийм биш. Тийм биш гэдгийг Ука маань баталлаа. Багш маань уран бүтээл, гэр бүл төлөвлөлтөө зэрэг амжуулахыг зөвлөдөг гэдгийг албан ёсоор хэлье” хэмээсэн юм. Ямартай ч продюсер Б.Ангирмаа охидоо хатуу гараар барихаа больсон бололтой.
С.НАРАН
С.НАРАН
Эх сурвалж http://www.info.mn
