БНСУ-ын Чежү арлын шүүхээс Монгол Улсын иргэн, 38 настай С-д 4 жил хорих ял оноов. Монгол Улсын иргэн С нь тус арлын морины аж ахуйд 2013 оноос эхлэн ажиллаж байжээ. Өнгөрсөн 3 дугаар сард компанийнхаа захиралд хандаж "Миний визийг нэг жилээр дахин сунгахад 12 сая вонны мөнгөн барьцаа тавих шаардлагатай байна. Та надад 12 сая вонн түр зээлүүлэн банкны картад хийж өгч тус болооч. Би визээ сунгуулаад буцааж өгнө" гэсэн хүсэлтийг нь солонгос захирал ёсоор болгожээ
Гэвч С нь уг мөнгөөр казинод мөрийтэй тоглож дуусгасан аж. Чежү арлын шүүхээс "Монголын иргэн С нь казино тоглох зорилгоор бусдыг хууран мэхэлж мөнгө зээлсэн төдийгүй зээлсэн мөнгөө буцааж төлөх хүчин чармайлт огт гаргахгүй байгаа зэргийг үндэслэн түүнд 4 жил хоригдох ял оноосон" хэмээн тайлбарласан байна.
Ж.Батсайхан
Эх сурвалж: Montsame.mn
