Нийслэлийн Шинжлэх ухаан, үйлдвэрлэл, инновацын газар, Старт-ап Монголиа, Хөгжлийн Шийдэл ТББ-тай хамтран "Startup synergy" арга хэмжээг Улаанбаатар инновацын төвд 2020 оны 10 сарын 02-ны өдөр зохион байгууллаа.
Тус арга хэмжээнд Нийслэлийн засаг даргын тамгын газрын Нийгмийн бодлогын хэлтсийн дарга С.Мягмаржав болон 60 гаруй энтрепренерүүд, хөрөнгө оруулагчид, олон улсын байгууллагын төлөөллүүд уригдан оролцож Монгол улсад стартап экосистемийг хэрхэн хөгжүүлэх шийдлүүдийн талаар хэлэлцэж санал солилцлоо.
Ирээдүйд стартап үндэстэн болох алсын харааны зорилтын дор энтрепренерүүд, хөрөнгө оруулагчдын өргөн хүрээний хүрээлэл үүсэн хамтын ажиллагаагаа улам хөгжүүлэн цаашид Startup Synergy арга хэмжээг тогтмол зохион байгуулахаар боллоо.
