Такси үйлчилгээний стандарт шаарадлагад такси үйлчилгээ эрхэлж байгаа тээврийн хэрэгслүүдэд тоолуур буюу таксиметр гэсэн хэмжих хэрэгсэл зайлшгүй байх ёстой хэмээн заасан байдаг бөгөөд жилд нэг удаа баталгаажуулах шаардлагатай байдагбайна. Түүнчлэн хэмжлийн нэгдмэл байдлыг хангах тухай хууль, Стандартчилал хэмжилзүйн үндэсний төвийн даргын тушаалаар баталсан улсын баталгаажуулалтад заавал хамрагдах хэмжих хэрэгслийн жагсаалтад таксиметрийн баталгаажуулалт орсон байдаг. Мөн сүүлийн жилүүдэд такси үйлчилгээ эрхлэх ААН байгууллагуудын тоо нэмэгдэж байгаа
Тухайлбал улаанбаатар хотод 17 байгууллага такси үйлчилгээ эрхэлж байгаа бол манай аймагт 7 ААН байгууллаг тазси үйлчилгээ эрхэлж байна. Таксиметр нь тоон системт болон импульсийн гэх зэрэг төрөлтэй бөгөөд манай улсад эдгээр таксиметрүүдийг үйлдвэрлэж байгаатай холбоотойгоор өмнө мөрдөгдөж байсан стандарт шаардлагыг өөрчлөх шаардлагатай болсон байна. Тиймээс таксиметртэй холбогдолтой олон улсын хэмжээнд мөрдөж байгаа хэмжилзүйн болон техникийн шаардлага, туршилтын аргачлалыг тодорхой заасан хамгийн сүүлийн хувилбар болох “OIML R 21” стандартыг мөрдөхөөр баталжээ.
Энэхүү стандартыг үндэсний болгон шинээр батлуулснаар импульсийн электрон дижитал таксиметрийн загварын туршилт болон баталгаажуулалтын ажлыг сайжруулан олон улсын түвшинд хүргэх, хэрэглэгчдийн эрх ашгийг хамгаалах найдвартай хэмжлээр хангах ач холбогдолтой гэж үздэг байна. Манай аймгийн тухайд одоогоор тоолууртай такси байхгүй бөгөөд аймгийн засаг даргын мөрийн хөтөлбөрт таксинудыг тоолууржуулах ажил туссан. Энэ ажлын хүрээнд таксинуудад тоолуур суурилуулах засвар тохируулга хийх эрхийг 2013 онд “Пэхэм” ХХК авсан байдаг. Гэсэн хэдий ч одоогийн байдлаар такси үйлчилгээг тоолууржуулах ажил эхлээгүй байгаа. Харин тоолууржуулах ажил эхлэх нөхцлийг шат дараатайгаар бүрдүүлэн ажиллаж байна.
Эх сурвалж: ERDENET INFO
