Та бидний өмсөж заншсан спорт гутал буюу пүүз анх 1870-аад оноос эхтэй гэнэ. Пүүзийг эхэндээ биеийн тамираар хичээллэх, спортын арга хэмжээнд оролцоход зориулагддаг байсан ч орчин үеийн залуус өдөр тутмын амьдралдаа байнга өмсөцгөөг болжээ. Цаг хугацаа өнгөрөх тусам пүүзний үйлдвэрлэл, худалдаа ч хурдацтайгаар өсөн нэмэгдсээр байна. Өдгөө дэлхий дээр “Nike”, “Adidas”, “Puma”, “Reebok”, “Converse” зэрэг спорт гутлын цөөнгүй брэнд бий. Тэгвэл эдгээр брэндүүд зарим нэг машинаас ч үнэтэй пүүзийг бүтээсэн бөгөөд ашиг орлогоороо тэргүүлсэн Дэлхийн хамгийн үнэтэй 10 пүүзийг танилцуулж байна.
10. 2350 ам.доллар / Belgravia High Tops & Star Studded
Малайзын дизайнер Жимми Чугийн загварууд ихэвчлэн эмэгтэйчүүдэд зориулагдсан байдаг ч Итали улсад үйлдвэрлэгдсэн энэ загварыг тэрбээр эрчүүддээ зориулжээ.
9. 2995 ам.доллар / Louis Flat Strass
Францын гутлын загвар зохион бүтээгч Кристиан Лубутений гаргасан хосгүй чамин энэ загварыг Сваровскийн шигтгээгээр чимэглэжээ.
8. 3000 ам.доллар / Air Jordan II “Eminem”
2008 онд худалдаанд гарч байсан энэ загвар дэлхий дээр 313 байдаг. Худалдаанд гарсан эхний 5 минутын дотор л зарагдаж дууссан ажээ.
7. 3750 ам.доллар / Air Foamposite One “ParaNorman”
Харанхуйд фосфортож харагддаг “Nike Air Foamposite One ParaNorman” загвар дэлхий дээр 800 ширхэг л бий.
6. 5100 ам.доллар / GeoBasket
Мадонна, Рианна, Николь Ричи нарын алдартнуудын өмсөх дуртай “Rick Owens” брэндийн спорт загварын гутлыг игуана гүрвэлийн арьсаар хийжээ.
5. 9000 - $16.000 ам.доллар / Nike Dunk SB Hight FLOM
Дугуйт тэшүүрээр гулгагчдад зориулсан спорт гуталны FLOM гэдэг нь “For Love or Money” гэсэн утгатай. Энэ пүүзийг ердөө 24 ширхэгийг л худалдаанд гаргаж байжээ.
4. 37.500 ам.доллар / Nike Air Mag
142 ам.доллараар худалдаж байсан бол реппер Тайни Темпагийн зарласан дуудлага худалгаагаар энэ загвар $37.500 ам.доллар хүрчээ.
3. 50.000 ам.доллар / Air Force 1 Supreme Max
Спорт гутал, үнэт эдлэлийн хоббитой реппер Биг Бой сонирхлоо нэгтгэж 13 каратын очир эрдэнээр чимэглэсэн “Nike Air Force 1 Supreme Max” - ийг захиалгаар чимэглүүлжээ.
2. 104.000 / Air Jordan XII (Flu Game)
Онлайн дуудлага худалдааны www.greyflannelauctions.com вебсайтаас Майкл Жорданы өмсөж байсан “Nike Air Jordan XII” - ийг дуудлагаар худалдаалжээ.
1. 16.000.000 ам.доллар / Air Yeezy 2 (Red October)
2014 онд реппер Канье Уэстийн зарласан дуудлага худалдаагаар $245 ам.долларын үнэтэй энэ пүүз $16 сая ам.доллараар зарагджээ.
