Түүхээ мэдэхгүй бол ойд төөрсөн сармагчин лугаа адил гэдэг. Түүхийн баримт мэдээллүүд он цагийн эрхээр алсран холдох тусам үнэ цэнтэй болдог ажээ. Тэр бүгдийг танин мэдэх нь өнөө цагийн болоод хойч үеийнхний эрхэм “гоёл” гэлтэй. Саяхан “Их Хүннү” уран бүтээлийн нэгдлийн захирал О.Батсүхийн “Хубилай хаан, Монголын их Юань улс” бүтээл нь Олон улсын “Жек Уотерфорд” сангаас зохион байгуулсан түүхийн салбар дахь 2013-2014 оны шилдэг бүтээлийн шагнал хүртжээ. Тэрбээр Өвөрмонголд уран бүтээлээ тууриваж, Хубилай хааны тухай  кино, номоо олны хүртээл болгосон  юм. Ер нь монголчууд бидний дунд Хубилай хааныг Хятадын хүн гэх хандлага нэлээд түгээмэл байдаг бололтой. Гэхдээ түүний талаарх баримтуудыг нээж үзсэн судлаачдын үг харин тэс өөр аж. Хубилай хааны түүх бол  их Эзэн Чингис хаанынхаас ч дутахааргүй, зарим талаараа түүнээс ч арвин сан хөмрөгтэй юм байна. Хубилай хааны үүсгэн байгуулсан одон орон судлалын багаж болон 1287 онд бариулсан Төрийн удирдлагын их сургууль зэрэг нь гайхалтай үнэт өв болж үлджээ. Ирэх 2015 онд Хубилай хааны мэндэлсний 800 жилийн ой тохионо.

О.Баяр  

Tumen.mn